هذي قصيده مؤثرة لأم تشكي حالها بعد ان وداها ................

وين أنت يا حمدان أمك تناديـــــــــك
وراك مـا تســــمـع شكايـا وندايـا

يا مسندي قلبي على الدوم يطريــــك
ما غبت عن عيني وطيفك سمايـا

هذي ثلاث سنين والعيـن تبكيـــــــك
ما شفت زولك زايـر يـا ضـــنايـا

تذكر حياتي يـوم اشيلـك واداريـــــك
والاعبـك دايـم وتمشــــــي ورايـا

ترقد على صوتي وحضني يدفيــــك
ما غيرك احدٍ ساكن فـــي حشايـا

واليا مرضت اسهر بقربك واداريـك
ما ذوق طعم النوم صبـح ومسايـا

ياما عطيتك من حنانـي وبعطيــــــك
تكبـــــــر وتكبـر بالأمـل يـا منايـا

لكن خساره بعتني اليـوم وشفيـــــــك
واخلصــت للزوجه وانا لي شقايـا

انا ادري انها قاسيـه مـا تخليـــــــــك
قالـــــت عجـوزك مـا ابيهـا معايـا

خليتني وسط المصحه وانا ارجـــيك
هذا جــــزا المعروف وهـذا جزايـا

يـا ليتنـي خدامـة بيـن اياديــــــــــــك
من شــان اشوفك كل يوم برضايـا

مشكور يا ولدي وتشكر مساعيـــــك
وادعـي لـك الله دايـــــــــم بالهدايـا

حمدان يا حمـدان امـك توصيــــــــك
اخاف من تلحق تشـــوف الوصايـا

اوصيت دكتور المصحه بيعطيـــــك
رسالتــــــــي واحروفهـا مـن بكايـا

وان مت لا تبخل علـي بدعاويــــــك
واطــــلب لي الغفران وهـذا رجايـا

وامطر تراب القبر بدموع عينيـــــك
ما عـاد ينفعـــــــــك النـدم والنعايـا


الله لا يحرق قلب ام على ابنها بس هذا اعتبره ليس ابن

الله يهدي وانشاءاللله ما يكون حدى يفكر متله

اختكم دعـــــــــــــــــاء

القصيده كثير حزينه



ألف شكر على القصيده الرائعه

لأا شكر على واجب

هذا واجبنا والموضوع رائع بردودكم الاجمل

جزاك الله كل الخير

اختكم دعــــــــــــــاء